መታሰቢያ ትሁን

በእጄ ይዤዋለሁ የናቴን መቀነት

ይተበታተነው እንዲታሰርበት

በአይምሮዬ አለ ጅማሬዬ ሁሉ

ምነው ዝም አላችሁ ሰዎች መላ በሉ

አልተኛም ነበረ እንደው በውጥን

ምንድን ነው ምክንያቱ ዝም አለኝ ወገን

   ተመኝቼ ሳላይ ትውልድ ሀገሬን

   እኔንም ገርሞኛአል እንዳይሆን ሲሆን

ደግ ነው ጀግና ነው አትበሉኝ እባካችሁ

እኔን ደስ የሚለኝ ሰዎች ልንገራችሁ

አንድነት አስቡ እንደኔ ሁናችሁ

አምላክም ይረዳል ከልብ ካቆማችሁ

   ሀሳብ የሚጋራኝ ወንድም አጣሆ ዛሬ

   ይህን ሁሉ ውጥን ጀምሬ ላህገሬ

   አምጣው ያለኝ የለም ይዤው ተቀብሬ

እንዴት ያስደስታል ለሀገር መሰብ

እንዴት  ያስደስታል ለወገን ማሰብ

እንቅልፍ አልነሳኝም ሆኖኛል ድባብ

እንዴት ደስ ያሰኛል ሲደክሙ ከልብ

ፍሬውን አብቦ ሲያዩት በቅርብ

  የትግል ጉአዶቼ ስሙኝ ልንገራችሁ

  ወደኔ ሳትመጡ አፈር ሳያቅፋችሁ

  ለኢትዮጲያ ሀገሬ ከልብ ደክማችሁ

 ለዚያ ለድሀ ህዝብ መከታ ሆናችሁ

 ነጻነት አሳዩት እናንተ ጠፍታችሁ

    ያገርሬን ትንሳኤ ወገኖቼ አሳዩኝ

    አዳምጣለሁኝ ቅጣው ቅጣው በሉኝ

    እኔንም ወስዳችሁ ላገሬ አፈር አብቁኝ

ዲሞክራሲ ሰፍኖ በኢትዩጲያ ምድር

መብቱ ተጠብቆ ተማሪው እንዲማር

መለያየት ቀርቶ በጀግኖቹ ሀገር

ፍቅር ሰላም ሰፍኖ በኢትዮጲያ ምድር

የተበታተነው ባንድ ላይ  ሲታሰር

   ይሄ ነው ምኞቴ አደራ የምላችሁ

   ካኢትዮጲያ ምድር ጠላት አባራችሁ

   ላገሬ አፈር አብቁኝ አደራ እባካችሁ

ችግር ተወግዶ ሲሆን አልጋ ባልጋ

ጨለማው ተገፎ ሌሊቱ ሲነጋ

ወራቱ ሲቀየር ክረምት አልፎ በጋ

ንገሩኝ አደራ እኔም ልረጋጋ

   ጠላት ስልጣን ይዞ ሆኖብኝ ደንቃራ

   በህይወቴ እያለሁ ላገሬ ልሰራ

   አልሜ የሄድኩትን መጣሁኝ ሳልሰራ

      ይህን ሁሉ ውጥን  ጀምሬ ላገሬ

      አምጣው ያለኝ የለም ይዤው ተቀብሬ

      ወገን ይቀበለኝ ከብዶኛል ቀንበሬ

እኔ ልንገራችሁ እናንተ ስሩልኝ

ውጥኑን አፈሩ ሳያበላሽብኝ

እውነቱን ወስዳችሁ ለወገን ስጡልኝ

ይሄ ነው መልክቴ ወገን ሁሉ ስሙኝ

ከወገኖቼ ጋር አንድነት አስቡኝ

ወንድወሰን ሰብስቢ

COVENTRY

owwee

---

Comments (0)

Subscribe to this comment's feed

Name

Email

Comment

Write the displayed characters

Add Comment