ለፕሮፊሰር አስራት ወልደየስ

     80ኛ አመት ልደት መታሰቢያ

አሥፍራትን ከፍለናል ለኢትዮጵያ እዳ

ምድሪቱን እንዲለቅ አድርባዮ ባንዳ

አሥራት ተከፍሎላት ካልዳነች እማማ

  ለክልል አይደለም አስራት የከፈልነው

  ለመንደር አይደለም አሥራት የከፈልነው

  ለመጭው ትውልድም ለኢትዩጵያዊውነው

ጀግናው አዛውንቱ አምርረው አለቀሱ

አላግባብ ከፈልነው አሥራትን መልሱ

ችቦውን አብሩለት ስሙን አወድሱ

ሰውን ያሳዘነው በባንዳ መርከሱ

  ሙሾው ወረደ አሉ በለገሀር ሜዳ

  ኬትም ተለቃቅሞ የመጣው ከሜዳ

  ተጨንቁዋል ተጠቡዋል ባንዳ አቱዋል ቀዳዳ

  አንበሳውን ገለው አንበሶች ተነሱ

  ጠላትን ሊያጠፉ በክርን ሊደቁሱ

  የማይጨው ያድዋው ጀግኖቹ ተረሱ

ሰዎች ባአንድነት አስራት አስራት በሉ

የሱን ፈለግ ይዘው ህጻናቱ ሁሉ

አንድት አንድነት አንድነት እያሉ

በጠላት ጆሮ ላይ ሁሌ ያዜማሉ

  ፈጣሪ ያውቅሀል ልብህን በእውነት

  ለሞት የዳረገህ የፍቅር ቅንነት

  ይመስክር ውስጣችን አይደለም በአንደበት

  ይሄ ነው አላማው ያበቃው ለሞት

  እውነት ይዞ ሄዱዋል ሀኪሙ አስራት

    እነሱ ቢገሉህ አንተ አልሞትክላቸው

    እስር ቤት በኩራት ተቀመትክላቸው

በሞያህ ምስጉን ነህ አለም ያደነቀህ

ምስጋና ሰምተናል ፈረንጅን ፈውሰህ

ምናለ ድትሄድ እኛንም አድነህ

  አንተ ጠፍተህብን በሽታው ጎዳን

  አንተን የሚመስል ማንስ ያድነን

  አቀበት ቁልቁለት ውጣን ወረድን

  አንተ የሄድክበት መንገዱ ጠፋን

እምነት ከስራ ጋር እግዜር የቸረህ

እውነትን በስራ ላገር ያሳየህ

ስመ ጥሩ አርበኛ ሙሁር አንተ ነህ

ይነገር ይታወቅ ይነበብ ስራህ

የሀገር ፍቅር ስሜት ለሞት አበቃህ

ወንድወሰን ሰብስቤ

2008 DES COVENTRY

---

Comments (0)

Subscribe to this comment's feed

Name

Email

Comment

Write the displayed characters

Add Comment